• Октябрьский районный исполнительный комитетОктябрьский районный исполнительный комитет
  • Районный центр досугаРайонный центр досуга
  • Мемориал Братское кладбищеМемориал Братское кладбище
  • Местная достопримечательность - зоопаркМестная достопримечательность - зоопарк
Главная / Новости / Новости района

Прывітанне удзельнікам і гасцям X міжнароднага фестывалю фальклорнага мастацтва “Берагіня”!

21.06.2018

Паважаныя сябры!

Сардэчна вітаю вас з нагоды правядзення X Рэспубліканскага фестывалю фальклорнага мастацтва “Берагіня”. Гэта адзін з адметнейшых і цікавейшых фестываляў, які яскрава сведчыць аб багацці і разнастайнасці беларускай народнай спадчыны. “Берагіня” ўжо атрымала прапіску ў Акцябрскім раёне, бо фальклор быў і застаецца невычарпальнай крыніцай гэтага краю.

Сёлетні фестываль юбілейны, дзясяты, і ён сімвалічна супадае з Годам малой Радзімы. Праз традыцыі, праз усё лепшае, што назапашана ў народнай творчасці, перадаецца моладзі павага і любоў да Радзімы. Не выпадкова ў фестывалі ўдзельнічаюць дзіцячыя і моладзевыя калектывы, а побач з імі і аўтэнтычная творчасць, на якой трымаецца сучасны фальклор, базіруецца нацыянальная культура.

Гэты творчы форум – выдатная форма патрыятычнага выхавання асобы, магчымасць паказаць свае дасягненні, прыняць удзел у разнастайных конкурсных спаборніцтвах, абмеркаваць тэндэнцыі развіцця аўтэнтычнай культуры. Поспех фестывалю забяспечваюць прафесіяналізм арганізатараў і экспертаў, зацікаўленасць удзельнікаў, святочная атмасфера, створаная на легендарнай Рудабельшчыне, добра захаваныя народныя традыцыі рэгіёну, гасціннасць і шчырасць гаспадароў.

Выказваю падзяку кожнаму з удзельнікаў фестывалю за шчодры талент, адданасць і вернасць народнай культуры. Жадаю ўсім калектывам паспяховых выступленняў, творчых адкрыццяў, а гледачам – яркіх і незабыўных сустрэч з прыгожым, непаўторным мастацтвам.

Старшыня Гомельскага абластнога выканаўчага камiтэта

Дворнік У.А.